琴日去左睇陳奕迅演唱會，佢唱左首英文歌，竟然係我電話既鈴聲，係Louis Armstrong既What a Wounderful World，有lee首歌既人唔多，仲要做埋鈴聲，咁都可以一樣，都真係巧合中既巧合。而佢唱既歌我最投入既一首竟然係.........第五個現代化~~~

近排做野成日做錯，send錯e-mail就一日幾單，落漏order就每日最少一單，都唔知做咩事。搞到宜家成日要叫運輸行西隧，超貴。唔知關唔關太多野迫住咁做既關係，如果人有8隻手咁幾好，就算6隻都好

截至今日(28/May)我5月份既OT係22個鐘，即係$800蚊都無，睇黎下個月要慳d洗先得唔係唔夠錢用

做左2個月都唔夠，又要follow新客，手上面既4個客又俾左同事跟，超麻煩。以前係近鐵又係，每八個月轉一個客，宜家lee間做唔夠2個月又轉客，俾我安定下得唔得呀!!!

星期六department 開會(全department唔計倉連manager只得12人)，話我地公司會俾人收購，至於收購果間公司我都唔記得係咩，好似係收購左TNT個間，收購完唔知會唔會裁員呢? 全公司得我地department無錢賺，要郁都郁我地先.................................我岩岩先入職..........有d擔心

公司d電腦慢到死，返工開機要等10分鐘，print張野要幾十秒，click錯左個file仲大獲，果一刻你會好憎自己點解click錯file，例如book大陸車，平日3分鐘可以打好晒所有資料，但lee 部電腦要大約15分鐘(由開file至最後"成功"save file)，成功既定義係save果時唔好hand機

返工等電梯又係要好有耐性，之前近鐵係地下，返工唔駛等電梯，宜家係ATL要等電梯，相信好多人都有返工等電梯既經驗，但係ATL係好特別既，通常返工時間上果時層層停就唔出奇，但通常落既時候都係無人，好快咁落黎。但ATL完全唔同，無論上同落，都會層層停。永遠會有人係每層入電梯，上或落其他層數，例如會有人係7樓落4樓，而6樓又有人等電梯，跟住又會係3樓出電梯，然後3樓又會有人落1樓。咁如果你返工時間係地下等電梯，你會睇住佢每層停(上既時間每層停，落既時間都係每層停)，但當部電梯到地下時，可能入面一個人都無，因為可能係1樓出左電梯，所以係ATL等電梯真係好無奈

返工等放工，悶到要去食早餐，超慘

準時收工? 我就係啦，今個星期有三日係17:45前收工，一日係18:00收工，超勁，星期二創左自己紀錄，17:32收工，呵呵

返到屋企食完飯，沖埋涼，7點半訓覺，超勁

蔥油雞脾飯只售$18，超抵、超好食

終於離開左KWE啦，加入失業大軍既行列

失業既第一個星期，無自己預期中訓咁多
做左d平日無時間做既野，搵d平日無時間搵既人

完全無壓力既生活(除左無錢既壓力之外)，唔駛成日驚有電話響，唔駛驚miss call

有無人想行百萬行? 行西部通道，今次要預先登記(因為要搭接駁巴士去)，想要form就問我

三個半月bonus + 一個月double pay + Oct to Dec 既motivation award + 2006年既staff award

咁既工，你留底定走?